- Հարգելի՛ Ամելիա, Դուք անվանի արվեստագետի ընտանիքում եք մեծացել, արդյո՞ք արվեստը միշտ է եղել Ձեր կյանքի մի մասը:
-
- Չէի ասի կյանքի մի մասը, կասեի կեցություն: Արվեստն իմ ներքին կեցությունն է: Եթե ապրում ես արվեստագետի ընտանիքում, ուրեմն ակամայից դու շրջապատված ես արվեստով
արվեստագիտական տարատեսակ, խոր մասնագիտական գրքերով, միևնույն ժամանակ առօրյա խոսելու թեմաները հիմնականում արվեստի շուրջ են ծավալվում: Մեծ բավականություն եմ ստանում ցուցահանդեսներ այցելություններից: Երբեմն լինում են դեպքեր, երբ հրավեր է ստանում հայրս որևէ ցուցահանդեսի մասնակցության և շատ անգամ խիստ զբաղված գրաֆիկից ելնելով չի կարողանում այցելել, ապա խնդրում եմ իրեն, որ եթե ինքը ներկա չի գտնվելու, ապա մենքես և քույրս գնանք իր փոխարեն: Եթե որևէ երկիր եմ մեկնում, պարտադիր ծրագրում լինում են այցելություններ տարբեր ցուցահանդեսներ, մշակութային վայրեր, ուստի արվեստը դառնում է ապրելակերպ:
- Չէի ասի կյանքի մի մասը, կասեի կեցություն: Արվեստն իմ ներքին կեցությունն է: Եթե ապրում ես արվեստագետի ընտանիքում, ուրեմն ակամայից դու շրջապատված ես արվեստով
- Ձեր հայրն արվեստում և կյանքում ի՞նչ ազդեցություն է ունեցել Ձեզ վրա։
- Փաստական կողմնորոշիչ և հենակետ: Հայ արվեստի պատմության առանցքում ես տեսել եմ միայն իմ հայրիկին: Գրքին ընտելացած եմ եղել մանկուց և օրինաչափ է նման ընտանիքում արվեստի հանդեպ այսպիսի վերաբերմունքը: Չնայած լինելով տարբեր սերունդների ներկայացուցիչներ տարբեր մտածելակերպ ունենք, իսկ որպես մարդ` արվեստի նվիրյալ, բարոյականության ու խորաթափանցության տիպար նրա ազդեցությունն ինձ վրա անչափելի է։
- Բախտ եմ ունեցել լինել «VG ART studio»-ի կողմից կազմակերպված «Փորձի՛ր արվեստի համը» խորագրով հետաքրքիր հավաքույթին, ինչի համար խորապես զգացված եմ: Պետք է նշեմ, որ տպավորություններս հիասքանչ են: Մի փոքր մանրամասնեք միջոցառման նրբությունները մեր ընթերցողի համար:
-
- Առանց մեր հարգարժան հյուրերի ներկայության երեկոները չեն լինի այդքան գրավիչ, ջերմ և հետաքրքիր: Ես եմ շնորհակալ բարձր գնահատանքի և Ձեր դրական տպավորությունների համար: Միջոցառումը մի քանի հենասյուների վրա է կառուցվում՝ հաճելի միջավայր, գեղեցիկ արվեստի շունչ, կոնյակի կամ այլ խմիչքի /ըստ ընտրության/ համտես: Առ այսօր հավաքույթներին ներկա են եղել միայն գեղեցիկ սեռի ներկայացուցիչները, սակայն բազմաթիվ հյուրեր իրենց ցանկությունն են արտահայտում միջոցառմանը զույգերով մասնակցելու, եղել են դեպքեր նաև, որ անգամ մեր ուժեղ
արական սեռի ներկայացուցիչներն էլ են ցանկություն հայտնել մասնակցության, ովքեր սիրում են համադրել արվեստն ու խմիչքը, սակայն դեռ նման հավաքույթ չեն կազմակերպվել: Երեկոյի հյուրերը հաճելի և տրամադրող միջավայրում վայելում են փորձառու մասնագետների կողմից կազմակերպված վարպետաց դասըամբողջացնելով օրվա սննդային հաճույքը համեղ խմիչքի ուղեկցությամբ։
- Առանց մեր հարգարժան հյուրերի ներկայության երեկոները չեն լինի այդքան գրավիչ, ջերմ և հետաքրքիր: Ես եմ շնորհակալ բարձր գնահատանքի և Ձեր դրական տպավորությունների համար: Միջոցառումը մի քանի հենասյուների վրա է կառուցվում՝ հաճելի միջավայր, գեղեցիկ արվեստի շունչ, կոնյակի կամ այլ խմիչքի /ըստ ընտրության/ համտես: Առ այսօր հավաքույթներին ներկա են եղել միայն գեղեցիկ սեռի ներկայացուցիչները, սակայն բազմաթիվ հյուրեր իրենց ցանկությունն են արտահայտում միջոցառմանը զույգերով մասնակցելու, եղել են դեպքեր նաև, որ անգամ մեր ուժեղ
Մեր կողմից հյուրերին հանձնվում են մասնակցության «ՍԵՐտիֆիկատներ», իսկ հյուրերն իրենց կտավները վերցնում են իրենց հետ:
«Նկարել գինով, կոնյակով կամ այլ խմիչքով… մի ձեռքում վրձին, մյուսում`գինի». խմիչքի համտես, էթիկետ, հետաքրքիր դասախոսություններ խմիչքին վերաբերվող, որտեղի՞ց էր գաղափարը:
- Գաղափարը ծնվեց նրանից, երբ ես և քույրս համոզեցինք մայրիկին, որ նա ամբողջացնի մշակութային երեկույթը, քանի որ մայրս
Սիլվա Սահրադյանը, լինելով սննդամթերքի որակի և անվտանգության փորձագետ, դոկտոր-պրոֆեսոր, ում հեղինակային իրավունքով պատկանում են խմիչքների վերաբերյալ հանրագիտարանի հիմնականում բոլոր նյութերը, բազմաթիվ հոդվածներ: Նա մեր գեղեցիկ միջոցառմանը մասնակիցներին ներկայացնում է խմիչքի առանձնահատկությունները և նրբությունները: Ներկաները համտեսում են խմիչքը, որին զուգահեռ տրվում է տեղեկատվություն տվյալ օրվա խմիչքի մասինարտաքին տեսք, համային հատկություններ, խմելու էթիկետ և այլն: Ներկերը, կտավը, երաժշտությունը, ալկոհոլը և միջավայրը է՛լ ավելի են հետաքրքիր դառնում, երբ զուգորդվում են միմյանց: Միտումն այն է, որ գնալով ավելի ու ավելի շատ են մարդիկ ձգտում փորձել իրենց արվեստի մեջ, հատկապես նրանք, ովքեր աշխատանքային օրվա թոհ ու բոհից ուզում են հանգստանալ և հետաքրքիր ժամանակ անցկացնել: Փորձը ցույց է տալիս, որ նման միջոցառումներն առավել հետաքրքիր են մեծահասակ կանանց շրջանում, հատկապես նրանց, ովքեր ցանկանում են հանգստանալ, շփվել և ճկել իրենց գեղարվեստական մկանները:- Ծանոթանալով Ձեր կենսագրությանը, իրարից խիստ տարբեր մասնագիտություններ ունեք: Ինչպե՞ս եք ընտրել մասնագիտությունները և արդյո՞ք Ձեր ծնողները դեր են ունեցել մասնագիտության ընտրության հարցում:
- Մանուկ հասակում իմ երազանքն էր դառնալ դատավոր, սակայն երազանքը միշտ չէ, որ հայտնվում է իրական կյանքում: Դեռ վաղ տարիքից կարծում էի, որ իմ ապագա մասնագիտությունը պետք է բացառապես իմ ընտրությունը լինի: Այս իրավիճակում հարկավոր է ցույց տալ համառություն և վճռականություն, բայց բոլորիս է քաջ հայտնի, որ մասնագիտություն ընտրելու հարցում հսկայական նշանակություն ունի նաև ընտանիքը: Հայրիկն իմ ապագա մասնագիտությունը տեսնում էր որպես արվեստաբան, մայրիկի ցանկությունը նույնպես նույնն էր, որ հորս գործերը շարունակող լինի: Ինձ տրված էր ընտրության երկու տարբերակ
կա՛մ ընդունվել Հայաստանի գեղարվեստի պետական ակադեմիա, որտեղ հայրս էր աշխատում, կա՛մ Հայաստանի պետական տնտեսագիտական ինստիտուտ, որտեղ մայրս էր աշխատում: Եվ իմ վերջնական որոշումը դարձավ դառնալ տնտեսագետ: Գերազանցությամբ ավարտել եմ դպրոցը, կարմիր դիպլոմով ՀՊՏՀ-ի մարքեթինգի բաժինը, ապա ասպիրանտուրան, ստացել եմ տնտեսագիտության թեկնածուի գիտական աստիճան: Լինելով տնտեսագիտության թենածու, այնուամենայնիվ որոշեցի սովորել նաև Հայաստանի գեղարվեստի պետական ակադեմիայի մագիստրատուրայում, որպեսզի հայրիկի ցանկությունն իրականանարդառնալով արվեստի պատմության մասնագետ: Երբ ընդունվեցի աշխատանքի Արդարադատության նախարարության փորձագիտական կենտրոնում որպես փորձագետ, այդ տարիներին որոշեցի երազանքիս հետևից գնալ և ստանալ իրավաբանի մասնագիտություն, սակայն երբ տարբերություններ հանձնելու փուլում էի, որպեսզի սովորեմ Արցախի պետական համալսարանի իրավաբանական բաժնում, հենց այդ ժամանակ իմ մասնագիտությամբ աշխատանքի հրավեր ստացա: Փաստորեն այս անգամ էլ պարզապես չստացվեց մասնագիտանալ որպես իրավաբան, թերևս արդեն էլ երազանք չէր: Իսկ քովիդ համավարակի շրջանում առցանց սկզբունքով Վառնայի կառավարման համալսարանի կողմից ստացա գործարար վարչարարության» մասնագետի պատվավոր աստիճան (MBA)։ Հայրիկի ցանկությունն է եղել, որ ես կամ քույրս իր ուղին շարունակենք, բայց ավաղ մասնագիտութան ընտրութան հարցում մենք տարբեր կարծիքներ ունեինք, սակայն պետք է ասեմ, որ գուցե և սխալվել եմ` չընտրելով արվեստագետի ուղին, քանի որ ահռելի մեծածավալ աշխատանքներ կան հորս կողմից կատարված, որոնք մնում են անավարտ…: Արվեստն ինձ համար հանգստի միջոց է, այլ ոչ աշխատանք:
- Ի՞նչ նպատակներ ունեք առաջիկայում:
- Մշտապես ունենում եմ նոր գաղափարներ արվեստի դպրոցի հետ կապված: Վերջին ամիսներին արցախցի փոքրիկների կողմից նկարած նկարներն ենք հավաքել, տեսակավորել և նպատակ ունենք հետագայում ցուցահանդեսներ կազմակերպել և լավագույն նկարները ներկայացնել մրցույթի: Ուստի երեխաները ոգեշնչվում են և է՛լ ավելի մեծ ոգևորությամբ են նկարում: Առաջիկայում «VG Art Studio»-ի կողմից կազմակերպվելու է երեխաների նկարած նկարների ցուցահանդես-վաճառք, իսկ հասույթը տրամադրվելու է Արցախից տեղահանված անապահով ընտանիքներին: Կարող են մասնակցել յուրաքանչյուրը և անմասն չմնալ նման բարեգործական ծրագրից: Նկարների արժեքը սիմվոլիկ բնույթ է կրում` 1000-3000 դրամ, նույնիսկ ըստ ցանկության, ում մտքով որքան կանցնի: Անչափ հուզվում եմ, երբ տեսնում եմ այդ փոքրիկների նկարած նկարները. նկարն է խոսում նրանց ներքին հոգեվիճակի և ինտելեկտի մասին: Տաղանդավոր երեխաները շատ են, բայց մեր 14 տարեկան Նարեն համեստության և արցախցի աղջնակի իրական մարմնացում է, որ անգամ պնդելուց հետո չէր համաձայնվում իր նկարը ցուցադրվի, ուստի Նարեի նկարը հավանության արժանացավ և գնման առաջարկ ունեցանք…: Ինչից հետո մեծ ոգևորությամբ է զբաղվում նկարչությամբ, և որոշել է ուսումը շարունակի որպես նկարչուհի-դիզայներ: Հանգստությունս գտնում եմ կարիքավոր բալիկներին հնարավորության սահմաններում օգնելու, օգտակար լինելու մեջ, նրանց շնորհակալական հայացքները մեր աշխատանքի ամենագեղեցիկ խոսքերն են: Դժբախտաբար կան շատ մարդիկ, ովքեր գերադասում են սրճարանում անցկացնել ողջ օրը, իսկ նման երեխաներին ժպիտ պատճառելուն մեկ լումա նույնիսկ չեն հատկացնի:
- Իրոք ես նույնպես հուզվեցի տեսնելով երեխաների նկարնեը` լացող աղջիկ, քաոսային իրավիճակ, ցավոք դժվար է պատկերացնել և հասկանալ: Իսկ Դուք ներու՞մ եք մարդկանց:
- Ես մարդու մեջ առաջին հերթին Աստծուն եմ սիրում, որովհետև երբ մարդն իր մեջ Աստծուն է կրում, նա չի գողանում, չի ուրանում, չի դավաճանում, իր համար կուռքեր չի ստեղծում, նոր աստվածներ չի հորինում և չի հավատում այն միամտությանը, թե Աստված մեղավորների Աստված է, քանզի Աստված ապաշխարողների, սրբերի ու սրբվածների Աստված է: Այն պահից, երբ մարդու մեջ դադարում է Աստված ապրել, ես դադարում եմ նրա հետ սուրբ լինել, ուստի բոլոր տեսակի ընտրություններում, ես միայն Աստծուն եմ ընտրում… Ես ներում եմ, միշտ եմ ներում, միայն ինքս ինձ չեմ ներում, որ ներում եմ բոլորին: Որքան շատ ես ճանաչում որոշ մարդկանց, այնքան ավելի շատ ես համոզվում, որ սատանան ևս եղել է Աստծո կողմից սիրված հրեշտակ:
- Հետաքրքիր զրույցի վերջում ի՞նչ կմաղթեք գեղեցիկ սեռի ներկայացուցիչներին:
- Քո գունավոր ներկապնակում վառ գույներով ներկիր ու լուսավորիր ներսդ, կյանքդ, աշխարհդ ու բոլոր նրանց, ովքեր կգան, կգնան, կմնան: Մի՛ պայքարիր ոչ մեկի դեմ, մի՛ մրցիր ոչ մեկի հետ, այս աշխարհում դու ես, քո խիղճն ու քո հոգին: Երանի եմ տալիս այն մարդկանց, ովքեր չեն գիտակցում, որ աշխարհում մահ կա, ու ի սրտե ատում են բոլորին ու ամեն ինչ: Երբեմն կյանքում ամեն ինչ ինքնին իր տեղն է ընկնում շատ տարօրինակ ձևերով: Ես երջանիկ եմ, որովհետև ունեմ կյանքի նկատմամբ սկզբունքներ, որոնց հավատարիմ եմ: Եկե՛ք լինենք խաղաղ, ապրենք հանգիստ, հարգենք միմյանց ու սիրենք այստեղն ու այսօրը, քանզի վաղվա օրն անհայտ է:
